راولپنڈی جی ایچ کیو میں 80ویں فارمیشن کمانڈرز کانفرنس کا انعقاد کیا گیا۔
آرمی چیف جنرل قمر جاوید باجوہ نے کانفرنس کی صدارت کی جبکہ کانفرنس میں کور کمانڈرز، پرنسپل اسٹاف آفیسرز اور پاک فوج کے تمام فارمیشن کمانڈرز نے شرکت کی۔
شرکاء کو پیشہ ورانہ امور، قومی سلامتی کے چیلنجر اور جوابی اقدامات پر بریفنگ دی گئی۔۔۔۔
سپہ سالار نے آپریشن ردالفساد کی پیش رفت پر اطمینان کا اظہار کیا اور اب تک کی کامیابیوں کو سراہا۔
آرمی چیف نے جیو اسٹریٹجک ماحول کو تیار کرنے کے تناظر میں آپریشنل تیاری کے اعلیٰ معیار کو برقرار رکھنے پر خصوصی زور دیا۔
پاک فوج ایک پیشہ ور ادارہ ہونے کے ناطے پاکستان کی سلامتی، سالمیت اور خودمختاری کے حوالے سے اپنی ذمہ داریوں کو ہمیشہ ایک مقدس فرض کے طور پر پورا کرے گی۔۔۔
